მიმოხილვა

იმისათვის, რომ სწორად დაპროექტდეს და აშენდეს აუზი, უნდა აირჩეს ოპტიმალური კონსტრუქცია და მასალა აუზის ასაშენებლად. მთავარი მოთხოვნებია:

  • აუზის ჰერმეტულობა (აუზი არ უნდა ჟონავდეს).
  • წყლის სისუფთავე დიდი ხნის განმავლობაში.
  • აუზის ზედაპირის ხანგრძლივობა.
  • მიმზიდველი გარე იერსახე.
  • გონივრული ღირებულება.

აუზის ყველა აღნიშნული თვისება, დამოკიდებულია მშენებლობისას გამოყენებულ მასალაზე.

არსებობს აუზების რამდენიმე სახე:

  • აუზები შენობაში ან სპეციალურ გადახურვის ქვეშ და გარე- ღია ტიპის აუზები.
  • სტაციონარული აუზები
    • სტაციონარული აუზები ძირითადად განთავსებულია გრუნტში, გააჩნია     კაპიტალურად მოწყობილი საფილტრაციო და ტენოლოგიური ნაწილი.
  • სეზონური აუზები
    • სეზონური აუზები გულისხმობს  ე.წ. გასაბერ, ასაწყობ, გრუნტზე დასადგმელ აუზებს, რომლებსაც გააჩნიათ მობილური საფილტრაციო ან სხვა დანადგარები, რომელთა მონტაჟი და დემონტაჟი არ არის დაკავშირებული დიდ დროსთან და სირთულეებთან. ასევე შესაძლებელია მათი სხვადასხვა ადგილას გადატანა და მონტაჟი.
 ტექნოლოგიების გათვალისწინებით აუზები შეიძლება იყოს სხვადასხვა ტიპის:
  • აუზები ე.წ. სკიმერით
    • სკიმერი ეს არის აუზის წყლის შემწოვი მოწყობილობა, რომელიც ჩართულია წყლის ფილტრაციის სისტემაში და ამავე დროს არეგულირებს წყლის დონეს აუზში. ასეთ აუზებში წყლის დონე აუზის ზედაპირიდან 10-12სმ-ზეა.
  • აუზები გადადინებით 
    • ასეთი ტიპის აუზებში წყალი ბოლომდეა სავსე და გადადის აუზის გარშემო მოწყობილ სპეციალურ ღარში. მსგავსი ტიპის აუზებისათვის აუცილებელია ე.წ. საფართოებელი ავზის და სხვა დამატებითი მოწყობილობების არსებობა. შესაბამისად ასეთი ტიპის აუზები შედარებით ძვირია შესაბამისი ზომის სკიმერიან აუზებთან შედარებით.
სურათზე შეგიძლიათ გაეცნოთ აუზის მოწყობის პრინციპულ სქემას  ძირითად დანაგარებს და მოწყობილობებს.

აუზები მოპირკეთებული ლაინერით

ჰიდროსაიზოლაციო მოსაპირკეთებელი მასალა DLW დელოფოლ (გერმანია). “ლაინერი” ჰიდროსაიზოლაციო, მოსაპირკეთებელი მასალაა საცურაო აუზებისათვის. იგი სამფენოვანი არმირებული მასალაა. ლაინერის ისეთი თვისებები, როგორიცაა საუკეთესო შედუღების ხარისხი, მოხმარების გრძელვადიანობა, მდგრადობა სოკოს, წყალმცენარეების, ულტრაიისფერი სხივების და წყლის მოვლის ქიმიური საშუალებებისადმი, აქცევენ მას საცურაო აუზების მოპირკეთების საუკეთესო მასალად. მისი შედუღება ხდება სპეციალური შესადუღებელი ხელსაწყოებით ადგილზე, პირდაპირ საცურაო აუზში.

აუზები უჟანგავი ლითონისაგან

ლუქს კლასის აუზები უჟანგავი ლითონისაგან. ავსტრიული კომპანია “ბერნდორფ”-ის წარმოების, ერთ-ერთი ყველაზე პრესტიჟული, თანამედროვე და ძვირფასი აუზების შეკვეთა უკვე შესაძლებელია ჩვენს კომპანიაში.
უპირატესობები:

  • ხაგრძლივი მოხმარების გარანტია.
  • ჰიგიენის მაღალი დონე
  • გლუვი ზედაპირი
  • არავითარი საშიშროება ყინვების დროს.
  • იდეალური ვიზუალური ეფექტი წყლისა და მეტალის კომბინაციით.
  • მასალის მაღალი ელასტიურობა, მიწიძვრებისა და გრუნტის დაჯდომის შემთხვევებში.
  • მინიმალური დანახარჯები ექსპლოატაციისას.
  • მონტაჟის ვადების სიმჭიდროვე.
  • პრესტიჟი.

სეზონური აუზები

სხვადასხვაგვარი, ექსულატაციაში უბრალო, ადვილად დასამონტაჟებელი აუზის მოდელები უზრუნველყოფენ თქვენი და თქვენი ოჯახის აქტიურ დასვენებას. კონსტრუქციის უბრალოება, კომპაქტური დიზაინი საშუალებას გაძლევთ დაამონტაჟოთ აუზი ნებისმიერ ადგილას, სულ რაღაც ერთი საათის განმავლობაში. ამასთანავე დამატებით კომფორტს გიქმნით აუზის შეფუთვა- ის თავისუფლად ეტევა მსუბუქი ავტომანქანის საბარგულში. აუზის კომპლექტში შედის საფილტრაციო კომპლექტი და კიბე.

აუზები მოპირკეთებული პოლიპროპილენით

პოლიპროპილენი – ეს არის ეკოლოგიურად სუფთა, მაგარი და გამძლე, პლასტიკატი, სისქით 5-დან 15მმ-დე. მზადდება ჩეხეთში.

უცხოური აღჭურვილობით შედუღებული პოლიპროპილენის ფურცლებისაგან დამზადებული აუზი მთლიანად ჰერმეტულია და არ საჭიროებს დამატებით ჰიდროიზოლაციურ სამუშაოს და მასალას. მცირე მოცულობით იხმარება თბოსაიზოლაციო მასალა, იმდენად, რამდენადაც პოლიპროპილენში დაბალი თბოდანაკარგები, ხელს უწყობს წყლის სტაბილური ტემპერატურეს შენერჩუნებას და წყალგამაცხელებლის ენერგიის ეკონომიას.

ბეტონის ჩასხმისას აუზის ირგვლივ სივრცე არ მოითხოვს შეფიცვრას, რადგან შეფიცვრის ფუნქციას თვითინ პოლიპროპილენი ასრულებს. არ საჭიროებს შელესვით სამუშაოებს, რაც საგრძნობლად ამცირებს აუზების მშენებლობის ღირებულებას. პოლიპროპილენი ეს არის ერთდროულად მოსაპირკეთებელი, ჰიდროსაიზოლაციო – თბოსაიზოლაციო და კონსტრუქციული მასალა.

პოლიპროპილენის ჭრისა და შედუღების ტექნოლოგია საშუალებას იძლევა შესრულდეს, პრაქტიკულად ნებისმიერი ფორმისა და ზომის აუზები დამკვეთის სურვილის მიხედვით. პოლიპროპილენის დახმარებით, დიზაინერისა და არქიტექტორის ნებისმიერი ფანტაზია შეიძლება რეალობად იქცეს, აუზის ფანტასტიური და ორიგინალური ფორმის შესაქმნელად.

მისი ზომებიდან გამომდინარე, სამუშაოები პოლიპროპილენის აუზის დასამზადებლად შეიძლება შესრულდეს, როგორც საამქროში ასევე დამკვეთთან.

მასალის შეფერვა მოცულობითია. ფერზე არ მოქმედებს გარემოს პირობები, ტემპერატურის ცვლილებები და ულტრაიისფერი სხივები.

ქარხნის საგარანტიო ვადა 5 წელია.

ქვიშის ფილტრების გამოყენება

ქვიშის ფილტრებში გამოიყენება ექვსსვლიანი ვენტილი, როლის ფუნქციებსაც ქვემოთ გთავაზობთ:

  • ფილტრაცია(FILTRATION) ფილტრში გამავალი წყალი შედის აუზში. ეს რეჟიმი გამოიყენება ფილტრაციისა და გათბობისათვის.
  • დაცლა(WASTE )წყალი ფილტრის გაუვლელად ჩაედინება აუზიდან კანალიზაციაში. ეს რეჟიმი გამოიყენება დაცლისთვის.
  • დაკეტილია (CLOSED) ყველაფერი დაკეტილია. ეს რეჟიმი გამოიყენება, ფილტრის სერვის მომსახურებისათვის.
  • თვითრეცხვა (BACKWASH) წყალი აუზიდან გაივლის ფილტრში, მის გასარეცხად და ჩაედინება კანალიზაციაში. ეს რეჟიმი გამოიყენება ფილტრის გაწმენდისათვის.
  • ცირკულაცია(CIRCULATION) წყლის ცირკულაცია გამოიყენება ქიმიკატების შეყვანის შემდეგ.
  • დატკეპნა(RINCE) წყალი აუზიდან გადის ფილტრში, ტკეპნის ქვიშას და ჩაედინება კანალიზაციაში. გამოიყენება ფილტრის გარეცხვის დასასრულებლად.

წყლის ფილტრაცია საჭიროა ყოველ დღე, იმის მიუხედავად ხდება თუ არა აუზის ექსპლუატაცია.

 

  • ფილტრაციის დრო იანგარიშება ერთ დღე-ღამეში ფილტრში აუზის წყლის მოცულობის 2-3 ჯერადი გავლის პირობიდან გამომდინარე.
  • ფილტრაცია გარკვეული დროის შემდეგ იწვევს ფილტრის დაბინძურებას და იგი ვეღარ ასრულებს თავის ფუნქციებს. ფილტრის დაბინძურების ხარისხის კონტროლი ხდება ვენტილის მანომეტრით.
    ფილტრი აუცილებლად უნდა გაიწმინდოს. ამისათვის:

    1. გამორთეთ ფილტრი
    2. დააყენეთ თვითრეცხვის რეჟიმზე და ჩართეთ ფილტრი
    3. გააკონტროლეთ ფილტრის დაბინძურების ხარისხი ვენტილის კორპუსზე
    4. არსებული ხუფის საშუალებით. თვითრეცხვა უნდა შეწყდეს, როგორც კი ხუფი გამჭვირვალე გახდება. გარეცხვის საშუალო დროა 2-3 წუთი. Aმის შემდეგ გამორთეთ ფილტრი.
    5. დააყენეთ რეჟიმი “დატკეპნა”, გეჭიროთ ჩართული 20-30 წამი.
    6. ჩართეთ ფილტრი, ნორმალურამდე მიიყვანეთ წყლის დონე აუზში და გადადით ფილტრაციის რეჟიმზე.
    7. ეს ოპერაცია უნდა შესრულდეს კვირაში 1-2 ჯერ, ექსპლოატაციის ინტენსივობიდან და დაბინძურების ხარისხიდან გამომდინარე, განსაკუთრებით ღია აუზებისთვის.
    8. პერიოდულად (დაბინძურების შესაბამისად) ჩაატარეთ სკიმერებისა და ფილტრის პომპების ბადეების გაწმენდა.

ყურადღება

  • აუცილებელია სტაბილიზატორის გამოყენება.
  • თითოეული სამუშაო რეჟიმის გადართვის წინ გამორთეთ ფილტრი.
  • წყლის მტვერსასრუტით მუშაობის, ფილტრის გაწმენდისა და აუზის დაცლის დროს გამორთეთ ბოილერი.
  • აუზის წყლის ფილტრაცია სასურველია განხორციელდეს ღამის საათებში, როდესაც არ ხდება აუზის ექსპლუატაცია

This post is also available in: English