გრძელი, ცივი ზამთრის შემდეგ გაზაფხულის ტემპერატურულმა ცვლილებამ უფრო მეტად მიგვაახლოვა ზაფხულის ცხელ დღეებთან. იმისათვის, რომ ჩვენი საცურაო აუზი მზად იყოს ზაფხულისთვის რიგი სამუშაოების ჩატარების დროა. რაც უფრო ადრე დაიწყებთ აუზზე ზრუნვას, მით უფრო მომზადებული შეხვდებით ზაფხულს.
პირველ რიგში აუზზე ზრუნვა უნდა დაიწყოთ ახლა და არა მოგვიანებით. მიზეზი მარტივია- ტემპერატურის ზრდასთან ერთად იზრდება წყალმცენარეების სპორები, რაც მათ გავრცელებას უწყობს ხელს. ქიმიური დისბალანსი, მზის სხივები და ორგანული ნივთიერებები მათ კიდევ უფრო სწრაფ გაზრდაში უწყობს ხელს.
წყალმცენარეების შემდგომ გაწმენდას კი სჭირდება დრო და ხარჯები, რომლის თავიდან აცილებაც მარტივია, თუ დავაკვირდებით ტემპერატურის ცვლილებებს და სწორ მომენტში მოვემზადებით აუზის გასაწმენდად.
აუზის გახსნის დაგეგმვამდე ერთი კვირით ადრე ეცადეთ გაასუფთავოთ აუზის გადასაფარებელი სხვადასხვა ნარჩენებისა და ნამსხვრევებისგან, ასევე დაგროვებული წყლისგან. გასუფთავების შემდგომ დადეთ ისეთ ადგილზე, სადაც გაშრება და აუზის სეზონის დასრულებამდე შეინახეთ გრილ და მშრალ ადგილას.
დააკვირდით აუზის კონსტრუქციას. მნიშვნელობა არ აქვს მიწისქვედა თუ მიწისზედა აუზი გაქვთ- შეამოწმეთ რაიმე ბზარი, ლაქები, ნაპრალები ხომ არ არის გაჩენილი. წყლის ნაკადის და ცურვის შედეგად შეიძლება უფრო გაუარესდეს, ამიტომ მნიშვნელოვანია მათი წინასწარ შეკეთება.
გახსოვდეთ, რომ საგანგებო სიტუაციის არარსებობისას საჭირო არ არის აუზის წყლისგან დაცლა. მაგალითად, თუ დათვალიერებებისას აღმოჩნდა, რომ საჭიროა სტრუქტურული სამუშაოების ჩატარება ან წყალმცენარეები ისე გაიზარდა, რომ სხვანაირად ვერ უმკლავდებით ამ შემთხვევაში დაგჭირდებათ აუზის დაცლა. თუმცა თუ მხოლოდ წყლის გასაახლებლად დაცლით აუზს ამან შესაძლოა გამოიწვიოს დიდი ზიანი.
საუკეთესო გზა, რომ ზამთრის პერიოდში თქვენს აუზს შეუნარჩუნოთ სისუფთავე არის კარგი აუზის გადასაფარებელი!
აუცილებელია შეამოწმოთ აუზის ფილტრი და ტუმბო- დაზიანებისა და ჭუჭყის თავიდან ასაცილებლად. თუ თქვენ გაქვთ კარტრიჯის ფილტრები, ყურადღებით დააკვირდით კარტრიჯის ელემენტს და O-რგოლებს თავსახურის გარშემო. საჭიროების შემთხვევაში შეცვალეთ. ქვიშის ფილტრებისთვის საჭიროა მათი უკანა ნაწილების გარეცხვა, უფრო კარგი ვარიანტია ახალი ფილტრის შეძენა. სხვა პატარა ფილტრებისთვის გაწმინდეთ ან შეცვალეთ ბადე.
ასევე, შეამოწმეთ ტუმბო- გახსენით სარქველები, ჩართეთ და შეამოწმეთ რომელიმე ნაწილიდან ხომ არ ხდება გაჟონვა. ასევე, დააკვირდით წნევის საზომს- იქმნება თუ არა ბუშტები აუზის გარშემო.
ზოგადად, ზამთრის პერიოდში აუზი კარგავს წყალს. ამიტომ საჭიროების შემთხვევაში უნდა შეავსოთ. ეს მნიშვნელოვანია, რადგან ქიმიკატების ბალანსის შესანარჩუნებლად საჭიროა შესაბამისი წყლის დონე.
თუ თქვენ კარგი აუზის საფარი გაქვთ, მაშინ მასში მოხვედრილი ნარჩენები მინიმალური იქნება. აუზის გასაწმენდად გამოიყენეთ წყლის მტვერსასრუტი. დარწმუნდით, რომ, იმ ადგილებს, სადაც ვაკუუმი ვერ აღწევს თქვენ გაასუფთავებთ. მაგალითად, აუზის კუთხეებში ან კიბის უკან. კარგი იქნება თუ აუზის ტუმბო მინიმუმ 24 საათის განმავლობაში მოახდენს წყლის ცირკულაციას, რათა გაფილტროს აუზში დაგროვებული ჭუჭყი.
ტუმბოს მთელი დღის განმავლობაში ამუშავება დაგეხმარებათ სწორად განსაზღვროთ წყალში არსებული ქიმიკატების დონე. ამისთვის ერთ-ერთი კარგი ვარიანტია წყლის ნიმუშის წაღება აუზების მაღაზიაში. იქ ხშირად ამოწმებენ მას უფასოდ, რათა გაზომონ მინერალები, pH და ქლორი.
გახსოვდეთ, რომ ძალიან მნიშვნელოვანია აუზში ქიმიური ნივთიერებების ბალანსირება:
მას შემდეგ, რაც წყალი, საბოლოოდ, გაიწმინდება, ქიმიკატები დაბალანსდება- ეს ნიშნავს, რომ აუზი მზადაა! ამას შეიძლება ერთ კვირაზე დიდი დრო დასჭირდეს, ამიტომ, როგორც ზემოთ ვახსენე, რაც უფრო ადრე დაიწყებთ აუზის მწყობრში მოსაყვანად მზადებას, მით უფრო კარგად შეხვდებით ზაფხულის ცხელ დღეებს. რა თქმა უნდა, ამის შემდეგაც უნდა განაგრძოთ აუზის მოვლა. აუზი რეგულარულ წმენდას მოითხოვს, აუცილებელია კვირაში ერთხელ მაინც გაწმინდოთ წყლის მტვერსასრუტით. ეცადეთ ყოველდღე თუ არა კვირაში რამდენჯერმე მაინც შეამოწმოთ ქიმიური ნივთიერებების დონე. ამ ყველაფერს თუ დაიცავთ დიდი ხნის განმავლობაში ისიამოვნებთ სუფთა აუზში ცურვით!
© 2024 NOKI • All Rights Reserved
ორ ათწლეულზე მეტია, რაც ჩვენი კომპანია საცურაო აუზების და სპას პროექტირებას, მონტაჟს და მოვლის სერვისს სთავაზობს მომხმარებელს. ამ ხნის განმავლობაში განვახორციელეთ უამრავი კერძო და კორპორატიული შეკვეთა. სიამოვნებით შემოგთავაზებთ თქვენთვის სასურველი აუზის დაპროექტებას და მონტაჟს წლის ნებისმიერ დროს.
